सहकारनगर पोलिसांची कारवाई
marathinews24.com
पुणे – शहरातून तडीपार केलेले असतानाही संबंधित आदेशाचा भंग करणार्या दोन सराइतांना सहकारनगर पोलिसांनी पकडले आहे. त्यांच्याविरुद्ध पोलिसांनी गुन्हा दाखल केला. राजू नवनाथ कांबळे (वय २१, रा. तळजाई वसाहत, पद्मावती) याच्याविरुद्ध गुन्हा दाखल केला आहे. याप्रकरणी संजय म्हस्के यांनी फिर्याद दिली आहे. तळजाई वसाहत परिसरात शनिवारी (३० ऑगस्ट) रात्री साडेआठच्या सुमारास राजू कांबळे हा आला होता. कांबळेला पुणे शहर, जिल्ह्यातून तडीपार केले होतेत. तो शहरात आल्याची माहिती पोलिसांना समजल्यानंतर त्याला ताब्यात घेऊन गुन्हा दाखल केला.
पोहण्यासाठी गेलेला तरूण बुडाला, ३ दिवसांनी मृतदेह आढळला – सविस्तर बातमी
शहरात तडीपार आदेशाचा भंग केल्याप्रकरणी सराइत अथर्व रवींद्र अडसुळ (वय २१, रा. तळजाई वसाहत, पद्मावती) याला तळजाई वसाहत परिसरात शनिवारी सायंकाळी ताब्यात घेतले. पोलीस कर्मचारी सुदाम बागलाने यांंनी याबाबत फिर्याद दिली आहे. दरम्यान, गंभीर स्वरुपाचे गुन्हे दाखल असलेल्या सराइतांना शहर आणि जिल्ह्यातून तडीपार करण्यात येते. अनेक सराइत तडीपार केल्यानंतर आदेशाचा भंग करुन शहरात येतात. गणेशोत्सवात पोलिसांनी सराइतांच्या हालचालींवर नजर ठेवली आहे. तडीपार गुंड आढळून आल्यास त्वरीत नजीकच्या पोलीस ठाण्यात संपर्क करण्याचे आवाहन केले आहे.
