कोंढवा भागातील घटना
marathinews24.com
पुणे – खरेदीच्या बहाण्याने सराफी पेढीत शिरलेल्या दोन महिलांना २ लाख ६८ हजार रुपयांचा सुवर्णहार चोरल्याची घटना कोंढवा भागात घडली. याप्रकरणी महिलांविरुद्ध गुन्हा दाखल करण्यात आला आहे. याबाबत सराफी पेढीच्या मालकांनी कोंढवा पोलीस ठाण्यात फिर्याद दिली आहे.
मित्राबरोबर अनैतिक संबंदधातून महिलेचा खून – सविस्तर बातमी
पोलिसांनी दिलेल्या माहितीनुसार, तक्रारदाराची कोंढवा खुर्द भागात सराफी पेढी आहे. २० जानेवारीला रात्री आठच्या सुमारास दोन महिला खरेदीच्या बहाण्याने सराफी पेढीत शिरल्या. महिलांनी बुरखा परिधान केला होता. महिलांनी सराफी पेढीतील कर्मचाऱ्यांना सुवर्णहार दाखविण्यास सांगितले. कर्मचाऱ्याला बोलण्यात गुंतवून महिलांनी सुवर्णहार चोरुन नेला. सुवर्णहार चोरीला गेल्याचे लक्षात आल्यनंतर त्यंनी पोलिसांकडे तक्रार दिली. माहिती मिळताच पोलिसांनी तेथे भेट दिली. पोलिसांनी सराफी पेढीतील सीसीटीव्ही चित्रीकरण तपासले असून, पसार झालेल्या महिलांचा शोध घेण्यात येत आहे. सहायक पोलीस निरीक्षक सचिन थोरात तपास करत आहेत.
