धायरी ते रायकर मळा रोडवर झाला अपघात
marathinews24.com
पुणे – भरधाव मोटारीच्या धडकेत महिला ठार झाल्याची घटना ८ एप्रिलला दुपारी दीडच्या सुमारास धायरी ते रायकर मळा रोडवर घडली आहे. दीपाली मंगेश तारू (वय २७ रा. पानशेत, राजगड)असे ठार झालेल्या महिलेचे नाव आहे. याप्रकरणी नीलेश तारू (वय ३७, रा. पानशेत, राजगड) यांनी नांदेड सिटी पोलीस ठाण्यात फिर्याद दाखल केली आहे.
पुण्यात विविध भागात वाहतूक बदलाचे आदेश – सविस्तर बातमी
पोलिसांनी दिलेल्या माहितीनुसार, दीपाली तारू ८ एप्रिलला दुपारी सव्वा एकच्या सुमारास धायरी ते रायकर मळा रोडवरून जात होत्या. त्यावेळी भरधाव मोटार चालकाने दीपालाला धडक दिली. त्यामुळे गंभीर जखमी झालेल्या दीपालीला रूग्णालयात दाखल करण्यात आले. मात्र, उपचारादरम्यान त्यांचा मृत्यू झाल्याचे डॉक्टरांनी घोषित केले. याप्रकरणी पसार झालेल्या मोटार चालकाचा शोध घेतला जात आहे. पोलीस अमलदार वावरे तपास करीत आहेत.
