विमानतळ पोलीस ठाण्यात गुन्हा दाखल
marathinews24.com
पुणे – आयसीआयसीआय बँकेतून बोलत असल्याची केली बतावणी करीत सायबर चोरट्यांनी ३३ वर्षीय महिलेच्या क्रेडीट कार्डमधील ३ लाख रूपये वर्ग करून घेत फसवणूक केली आहे. ही घटना २२ नोव्हेंबरला घडली असून, लोहगावमध्ये राहणार्या ३३ वर्षीय महिलेने विमानतळ पोलीस ठाण्यात फिर्याद दाखल केली आहे. त्यानुसार मोबाइलधारक आरोपीविरूद्ध गुन्हा दाखल करण्यात आला आहे.
एसटी शिरताना जेष्ठ महिलांचे मंगळसूत्र चोरीला – सविस्तर बातमी
पोलिसांनी दिलेल्या माहितीनुसार, तक्रारदार महिला लोहगावमध्ये राहायला असून, २२ नोव्हेंबरला सायबर चोरट्यांनी त्यांना फोन केला. आयसीआयसीआय बँकेतून बोलत असल्याचे सांगून, क्रेडीट कार्डवरील इन्शुरन्स बंद करण्यासाठी त्यांना व्हॉटसअपद्वारे लिंक पाठविली. त्यानंतर तक्रारदार महिलेच्या आयसीआयसीआय बँकेच्या क्रेडीट कार्डमधील ३ लाख रूपये वर्ग करून घेत त्यांची फसवणूक केली आहे. याप्रकरणी पोलीस निरीक्षक शरद शेळके तपास करीत आहेत.
