चोरट्यांना वाघोली पोलिसांनी केली अटक
marathinews24.com
पुणे – दुचाकीवर जाणार्‍या तरूणाला थांबवून गाडीला कट का मारला म्हणत चोरट्याने त्याला शिवीगाळ करत मारहाण केली. त्याच्याकडील ५५ हजारांचा मोबाइल, २० हजारांची दुचाकी जबरदस्तीने हिसकावून नेली. ही घटना ३ ऑगस्टला रात्री सव्वा अकराच्या सुमारास आव्हाळवाडी खराडी रस्त्यावर घडली होती. याप्रकरणी दिपक शहादेव कोटुळे (वय २२, रा. आव्हाळवाडी, वाघोली मुळ रा. राजुरी, बीड) याने तक्रार दिली आहे. त्यानुसार दोघा चोरट्यांना वाघोली पोलिसांनी अटक केली आहे.
खासगी यु ट्युबच्या माध्यमातून पेपर फोडले – विश्रामबाग पोलिस ठाण्यात गुन्हा दाखल – सविस्तर बातमी
तुषार गोरख चांदणे (वय २०) आणि नितीन रमेश कुसळे (वय २१ रा. आवाळवाटी, ता. हवेली ) अशी अटक केलेल्यांची नावे आहेत. दुचाकीस्वार दीपक हे ३ ऑगस्टला रात्री सव्वा अकराच्या सुमारास आव्हाळवाडी खराडी रस्ता परिसरातून घरी जात होते. त्यावेळी दुचाकीस्वार दोघा चोरट्यांनी त्यांना अडवून गाडीला कट का मारला म्हणत त्यांना शिवीगाळ केली. त्यांना मारहाण करीत ५५ हजारांचा मोबाइल, दुचाकी चोरट्यांनी चोरून नेली होती. याप्रकरणी पोलिसांनी तपास करीत दोघांना बेड्या ठोकल्या आहेत. पोलीस उपनिरीक्षक शेंडगे तपास करीत आहेत.
शेअर ट्रेडींगमध्ये जादा नफ्याचे आमिष पडले १० लाखांना
शेअर ट्रेडींगमध्ये गुंतवणूक केल्यास चांगला नफा मिळवून देण्याची बतावणी करीत सायबर चोरट्यांनी तरूणाला तब्बल १० लाख २१ हजारांचा ऑनलाईन गंडा घातला आहे. ही घटना १ जानेवारी ते ११ जुलै २०२५ कालावधीत मुंढव्यात घडली आहे. याप्रकरणी ३२ वर्षीय तरूणाने मुंढवा पोलीस ठाण्यात फिर्याद दाखल केली आहे. त्यानुसार मोबाइलधारकासह लिंक धारकाविरूद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार तरूण मुंढव्यात राहायला असून, १ जानेवारीला सायबर चोरट्यांनी त्याला संपर्क साधला होता. शेअर ट्रेडींगमध्ये गुंतवणूक केल्यास चांगला परतावा मिळवून देण्याचे आमिष दाखविण्यात आले. त्यामुळे विश्वास संपादित झाल्यानंतर तक्रारदाराने गुंतवणूकीला सुरूवात केली. जवळपास सात महिन्यांत तरूणाने १० लाख २१ हजारांची रक्कम संबंधित मोबाइलधारकाच्या बँकखात्यात वर्ग केली. मात्र, त्यांना परतावा मिळाला नाही. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेत फिर्याद दाखल केली. याप्रकरणी वरिष्ठ पोलीस निरीक्षक माया देवरे तपास करीत आहेत.
