चतुःशृंगी पोलिसांनी केली अटक
marathinews24.com
पुणे – तरूणावर कोयत्याने वार करून गंभीररित्या जखमी केल्याची घटना ६ नोव्हेंबरला सकाळी नउच्या सुमारास वडारवाडीतील भाभा रूग्णालयामागे घडली आहे. याप्रकरणी आरोपीला चतुःशृंगी पोलिसांनी अटक केली आहे. सागर संजू बनपट्टे (वय ३६ रा. वडारवाडी ) असे अटक केलेल्याचे नाव आहे. ३५ वर्षीय तरूणाने फिर्याद दाखल केली आहे.
पुण्यातील गुंडगिराीचा बिमोड करा – सविस्तर बातमी
पोलिसांनी दिलेल्या माहितीनुसार, तक्रारदार तरूण हा वडारवाडीत राहायला असून, आरोपी सागर बनपट्टे हा देखील तिथेच राहायला आहे. ६ नोव्हेंबरला सकाळी नउच्या सुमारास तक्रारदार तरूण हा भाभा रूग्णालयाजवळ थांबला होता. त्यावेळी काहीही कारण नसताना आरोपीने सागरने त्याच्यावर कोयत्याने वार करून गंभीररित्या जखमी केले. याप्रकरणी पोलिसांनी तातडीने घटनास्थळी धाव घेत आरोपीला अटक केली. याप्रकरणी पोलीस अमलदार वैदू तपास करीत आहेत.
