प्रकरणात गुन्हा दाखल
marathinews24.com
पुणे – जादा कर आकारणी केल्याचा आरोप करुन महापालिकेच्या कर आकारणी विभागात रिव्हाॅल्वर उगारून आत्महत्येची धमकी देणाऱ्या एका विरुद्ध शिवाजीनगर पोलिसांनी गुन्हा दाखल केला. शुक्रवारी दुपारी कर आकारणी विभागाच्या कार्यालयात ही घटना घडली. याप्रकरणी महेंद्र नरसिंग लोणकर (रा. कोंढवा खुर्द) याच्याविरुद्ध गुन्हा दाखल करण्यात आला. महापालिकेच्या कर आकारणी विभागातील कर्मचारी गणेश दिलीप ठोंबरे (वय ३७, रा. कात्रज) यांनी शिवाजीनगर पोलीस ठाण्यात फिर्याद दिली आहे.
गॅस पुरवठा खंडीत करण्याची दाखवली भीती – सविस्तर बातमी
पोलिसांनी दिलेल्या माहितीनुसार, आरोपी शुक्रवारी (१३ फेब्रुवारी) दुपारी साडेतीनच्या सुमारास महापालिकेच्या कर आकारणी विभागात आला होता. जादा मिळकर कर आकारण्यात आल्याचा आरोप करुन कर आकारणी विभागाच्या कार्यालयातून उडी मारण्याची धमकी दिली. माझ्याकडे परवाना असलेले रिव्हाॅल्वर आहे, असे सांगून आरोपीने पँटच्या खिशातून रिव्हाॅल्वर काढून उगारले. रिव्हाॅल्वर उगारुन त्याने आत्महत्या करण्याची धमकी दिल्याचे ठोंबरे यांनी फिर्यादीत म्हटले आहे. पोलीस उपनिरीक्षक वलसे तपास करत आहेत.
