विमाननगरमधील वुई इडलीवाले परिसरात घडली घटना
marathinews24.com
पुणे – मोटारीची उघडी काच राहिल्याची संधी साधून चोरट्याने ४० हजारांची रोकड आणि इतर वस्तू असा १ लाखांचा ऐवज चोरून नेला आहे. ही घटना १२ जानेवारीला दुपारी सव्वा बाराच्या सुमारास विमाननगरमधील वुई इडलीवाले परिसरात घडली आहे. याप्रकरणी सोलापूर जिल्ह्यातील अकलूजमधील तरूणाने विमानतळ पोलीस ठाण्यात फिर्याद दाखल केली आहे. त्यानुसार अज्ञात चोरट्याविरूद्ध गुन्हा दाखल करण्यात आला आहे.
केज तहसीलसमोर लांडगे कुटुंबीयांचा आत्महदहनाचा प्रयत्न – सविस्तर बातमी
पोलिसांनी दिलेल्या माहितीनुसार, तक्रारदार तरूण मूळचे सोलापूर जिल्ह्यातील अकलूज गावचे आहेत. १२ जानेवारीला ते कामानिमित्त मोटारीतून विमाननगर परिसरात आले होते. त्यावेळी त्यांच्याकडून मोटारीची काच उघडी राहिली होती. नेमकी तीच संधी साधून चोरट्यांनी गाडीतील ४० हजारांची रोकड आणि इतर ऐवज असा १ लाख १ हजारांचा ऐवज चोरून नेला. दरम्यान, काही वेळानंतर माघारी आल्यानंतर तरूणाला गाडीतील रोकड दिसून आली नाही. चोरी झाल्याचे लक्षात आल्यानंतर त्याने पोलीस ठाण्यात धाव घेतली. याप्रकरणी सहायक पोलीस निरीक्षक अशोक शिरसाठ तपास करीत आहेत.
