दोघे अल्पवयीन ताब्यात
marathinews24.com
पुणे – जुन्या भांडणाच्या वादातून टोळक्याने १७ वर्षीय मुलाला बेदम मारहाण करीत त्याला शस्त्राने मारून जखमी केले आहे. ही घटना १८ फेबु्रवारीला संध्याकाळी साडेपाच वाजण्याच्या सुमारास धनकवडीत घडली आहे. याप्रकरणी दोघा अल्पवयीन मुलांना सहकारनगर पोलिसांनी ताब्यात घेतले असून, त्यांच्याकडे तपास करण्यात येत आहे.
शादी डॉट कॉमवरील ओळख पडली महागात – सविस्तर बातमी
पोलिसांनी दिलेल्या माहितीनुसार, तक्रारदार १७ वर्षीय मुलगा धनकवडीत राहायला असून, आरोपी अल्पवयीनांसोबत त्याचे वादविवाद झाले होते. त्याच वादातून टोळक्याने १८ फेबु्रवारीला तक्रारदाराला धनकवडील शाळेमागे गाठले. त्याला बेदम मारहाण करीत शस्त्राने मारहाण केली. त्यानंतर अल्पवयीन आरोपी पसार झाले होते. याप्रकरणी गुन्हा दाखल होताच, पथकाने संबंधितांना ताब्यात घेतले आहे. याप्रकरणी पोलीस अमलदार एस. के. कोळगे तपास करीत आहेत.
