खोटा पास तयार करून फिरणार्याविरूद्ध गुन्हा
marathinews24.com
पुणे – पीएमपीएल बसचे बनावट अॅप्लीकेशन बनवून त्याद्वारे खोटा पास करीत फुकट प्रवास करणार्याविरूद्ध भारती विद्यापीठ पोलिसांनी गुन्हा दाखल केला आहे. ही घटना २६ फेबु्रवारीला सकाळी सव्वा दहाच्या सुमारास उघडकीस आली आहे. याप्रकरणी सहायक डेपो व्यवस्थापकाने फिर्याद दाखल केली आहे.
गँगस्टर निलेश घायवळ टोळीतील फरार आरोपी जाळ्यात – सविस्तर बातमी
पोलिसांनी दिलेल्या माहितीनुसार, तक्रारदार हे सहायक डेपो व्यवस्थापक असून, ते २६ फेबु्रवारीला भारती विद्यापीठ परिसरातील बीआरटी मार्गात प्रवाशांकडील तिकीट तपासात होते. त्यावेळी एका प्रवाशाने मोबाइलमध्ये पीएमपीएल बस प्रशासनाने बनवलेल्या अॅप्लीकेशनप्रमाणेच अॅप तक्रारदाराला दाखवले. मात्र, संशय आल्यानंतर संबंधित अॅपची तपासणी केली असता, ते बनावट असल्याचे उघडकीस आले. दरम्यान, आरोपीने बनावट अॅपचा वापर करीत खोटा पासद्वारे शहरातील विविध भागातून मोफत बसप्रवास करीत पीएमपीएल प्रशासनाची फसवणूक केली आहे. याप्रकरणी वरिष्ठ पोलीस निरीक्षक राहुल खिलारे तपास करीत आहेत.
