ट्रक चालकाविरुद्ध गुन्हा दाखल
marathinews24.com
पुणे – ट्रकच्या धडकेत पादचारी ज्येष्ठ महिलेचा मृत्यू झाल्याची घटना पुणे-सोलापूर रस्त्यावर कुंजीरवाडी परिसरात घडली. या प्रकरणी लोणी काळभोर पोलिसांनी ट्रक चालकाविरुद्ध गुन्हा दाखल केला. अन्नपूर्णा गुरु (वय ६४, रा. मोरया सोसायटी, कुंजीरवाडी, पुणे-सोलापूर रस्ता) असे मृत्युमुखी पडलेल्या ज्येष्ठ महिलेचे नाव आहे. याबाबत अन्नपूर्णा यांचा मुलगा अभिजित (वय ३९) यांनी लोणी काळभोर पोलीस ठाण्यात फिर्याद दिली आहे.
डंपरच्या धडकेत दुचाकीस्वार आजोबा, नातीचा मृत्यू – सविस्तर बातमी
पोलिसांनी दिलेल्या माहितीनुसार, अन्नपूर्णा या १३ मार्च रोजी पुणे सोलापूर रस्त्याने निघाल्या होत्या. त्या वेळी कुंजीरवाडी परिसरात रस्ता ओंलाडणाऱ्या अन्नपूर्णा यांना भरधाव ट्रकने धडक दिली. अपघातात त्या गंभीर जखमी झाल्या. त्यांना तातडीने उपचारांसाठी रुग्णालयात दाखल करण्यात आले. उपचारांपूर्वीच त्यांचा मृत्यू झाल्याचे डाॅक्टरांनी सांगितले. अपघातानंतर पसार झालेल्या ट्रक चालकाविरुद्ध फिरोज रशीद (वय ३५, रा. खामगाव फाटा, यवत, मूळ रा. उत्तर प्रदेश) याच्याविरुद्ध पोलिसांनी गुन्हा दाखल केला असून, पोलीस उपनिरीक्षक योगेश पैठणे तपास करत आहेत.
