विद्यार्थ्यांवर गुन्हा दाखल
marathinews24.com
पुणे – परवानगीशिवाय आंदोलन करून प्रशासकीय कामकाजात अडथळा निर्माण केल्याप्रकरणी विद्यार्थ्यांविरुद्ध गुन्हा दाखल करण्यात आला आहे. हा प्रकार १६ मार्चला डेक्कनमधील एरंडवणे परिसरात असलेल्या आयएलएस लॉ कॉलेजमध्ये दुपारी साडेबारा ते तीन या वेळेत घडला आहे. याप्रकरणी डेक्कन पोलिस ठाण्यात गुन्हा दाखल करण्यात आला आहे.
लोणी काळभोरमध्ये मद्यपीकडून रुग्णालयात तोडफोड – सविस्तर बातमी
योगेश एकनाथ सुतार (वय ४४, रा. रेक्टर्स क्वार्टर्स, आयएलएस लॉ कॉलेज कॅम्पस, लॉ कॉलेज रोड, पुणे) यांनी तक्रार दिली आहे. त्यानुसार १६ ते १७ विद्यार्थ्यांविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, संबंधित विद्यार्थ्यांनी कोणतीही अधिकृत परवानगी न घेता कॉलेज परिसरात बेकायदेशीर जमाव जमवला. त्यानंतर त्यांनी मुख्य प्रशासकीय इमारतीच्या प्रवेशद्वाराच्या पायऱ्यांवर बसून घोषणाबाजी केली. या आंदोलनामुळे विद्यार्थ्यांना तसेच प्रशासकीय कर्मचाऱ्यांना इमारतीत ये-जा करण्यास अडथळा निर्माण झाला. याचबरोबर आंदोलक विद्यार्थ्यांनी कॉलेजमध्ये सुरू असलेल्या मुलाखती व परीक्षा प्रक्रियेत व्यत्यय आणला. इतकेच नव्हे, तर काही विद्यार्थ्यांनी इमारतीत प्रवेश करून प्राचार्यांच्या दालनात ठिय्या आंदोलन करत घोषणाबाजी केली.
विद्यार्थ्यांविरुद्ध भारतीय न्याय संहितेच्या विविध कलमांसह महाराष्ट्र पोलीस कायद्याच्या कलम ३७(१)(३) व १३५ अंतर्गत गुन्हा दाखल करण्यात आला आहे. या घटनेनंतर वरिष्ठ निरीक्षक गिरीश निंबाळकर यांनी घटनास्थळी भेट दिली
