पिस्तूलासह दुचाकी जप्त
marathinews24.com
पुणे – रिक्षा वळवण्याच्या वादातून पिस्तूलातून गोळी झाडून करीत खुनाचा प्रयत्न करणार्या आरोपींना कोंढवा पोलिसांनी अटक केली आहे. त्यांच्याकडून पिस्तूलासह दुचाकी असा ५० हजारांचा ऐवज जप्त केला आहे. कुणाल ऊर्फ नन्या विनायक जाधव (वय १९ रा. वस्ती, कोंढवा) आदित्य शंकर घावरे (वय २१ रा. दबाडी रोड, वडगांव बुद्रूक) अक्षय ज्ञानेश्वर आवळे (वय २० रा. जाधवनगर, वडगांव) शिवाजी पांडुरंग मरगळे (वय २१ रा. गणपती मंदिरजवळ, शिवतेज नगर, कोल्हेवाडा) अशी अटक केलेल्यांची नावे आहेत.
धक्कादायक मस्साजोगमध्ये दिवंगत सरपंच संतोष देशमुख यांचे घर फोडले – सविस्तर बातमी
तक्रारदार आणि आरोपी यांच्यात ८ मार्चला कोंढव्यातील काकडे वस्तीवर रिक्षा वळवण्याच्या वादातून भांडण झाले होते. त्याच रागातून आरोपींनी धारदार हत्यार आणि पिस्टलमधुन फिर्यादीचे दिशेने फायर करुन त्यांना जिवे ठार मारण्याचा प्रयत्न केला होता. याप्रकरणी कोंढवा पोलीस ठाण्याचे वरिष्ठ पोलीस निरीक्षक कुमार घाडगे, पोलीस निरीक्षक नवनाथ जगताप यांच्या मार्गदर्शनाखाली आरोपींचा शोध घेतला जात होता. तपास पथक हे १० मार्चला पेट्रोलिंग करत असताना पोलीस अमलदार संतोष बनसुडे यांना आरोपी नामे कुणाल ऊर्फ नन्या जाधव हा साथीदारासह पारशी ग्राऊड, शिवनेरीनगरात असल्याची माहिती मिळाली.
कोंढवा तपास पथकाने चौघांना ताब्यात घेतले असता, त्यांनी गुन्ह्याची कबुली दिली आहे. त्यांचा गुन्हयातील सहभाग निष्पन्न झाल्याने त्यांचेकडुन देशी बनावटीचे पिस्टल, दुचाकी जप्त केली आहे. ही कामगिरी उपायुक्त राजलक्ष्मी शिवणकर, एसीपी नम्रता देसाई, वरिष्ठ पोलीस निरीक्षक कुमार घाडगे, पोलीस निरीक्षक नवनाथ जगताप यांच्या मार्गदर्शनाखाली उपनिरीक्षक रविंद्र गावडे, पोलीस अंमलदार विशाल मेमाणे, रविंद्र चिप्पा, रशिद शेख, सुरज शुक्ला, संतोष बनसुडे, पुष्पेंद्र चव्हाण, शाहिद रजपुत, हिरवे, अमित सुर्यवंशी, रियाज पटेल, प्रशांत खाडे, यांनी केली.
