नियमांचे पालन करण्याचे एसपी नवनीत कॉवत यांचे आवाहन
marathinews24.com
बीड (अनंत जाधव) – घटनेचे शिल्पकार भारतरत्न डॉ. बाबासाहेब आंबेडकर यांच्या जयंतीच्या तयारीला वेग आला आहे. त्यासाठी जिल्हा पोलिस दलाकडून तगडा पोलीस बंदोबस्तही करण्यात येणार आहे. मात्र, बीडसह जिल्ह्यात डीजेच्या दणदणाटावर बंदी असणार आहे. जयंती साजरी करताना नियमांचे पालन करावे, असे आवाहन पोलीस अधीक्षक नवनीत कॉवत यांनी केले आहे.
सासरच्या जाचाला कंटाळून विवाहितेची आत्महत्या – सविस्तर बातमी
डॉ. बाबासाहेब आंबेडकर यांची १२९ देशात जयंती साजरी केली जाते. डॉ. बाबासाहेब आंबेडकर हे सविधानाचे शिल्पकार आहेत. त्यांनी आयुष्यात खुप मोठे कार्य केलेले आहे. त्यांचे हेच कार्य तळागाळापर्यंत पोहचविणे अत्यंत गरजेचे आहे. त्यामुळे त्यांचे हे कार्य तळागाळापर्यंत पोहचवून त्यांची जयंती बीडसह संपूर्ण जिल्हावासियांनी मोठ्या उत्साहात साजरी करावी, विशेष म्हणजे यावेळी सर्वांनी नियमांचेही पालन करावे, जेणे करून हा जयंती उत्सव मोठ्या उत्साहात आणि शांततेमध्ये सर्वांना साजरा करता येईल, असे आवाहन पोलिस अधीक्षक नवनीत काँवत यांनी केले आहे.
