सहकारनगर आणि काळेपडळ पोलिस ठाण्यात गुन्हे दाखल
marathinews24.com
पुणे – शहरात चोरीच्या दोन वेगवेगळ्या घटनांमध्ये चोरट्यांनी १ लाख ४३ हजार ५०० रुपयांचा ऐवज चोरून नेला आहे. याप्रकरणी सहकारनगर आणि काळेपडळ पोलिस ठाण्यात गुन्हे दाखल करण्यात आले आहेत.
पुण्यात मेट्रो ठेकेदाराचे खंडणीसाठी अपहरण करणारे अटकेत – सविस्तर बातमी
घराच्या उघड्या खिडकीतून प्रवेश करत चोरट्यांनी लॅपटॉप, कॅमेरा आणि मोबाईल असा ७३ हजार ५०० रुपयांचा ऐवज चोरून नेला आहे. याप्रकरणी धनकवडीतील २१ वर्षीय तक्रारदाराने फिर्याद दिली आहे. ही घटना १४ एप्रिलला घडली असून याप्रकरणाचा पुढील तपास पोलिस कर्मचारी अमोल पवार करत आहेत.
दुसऱ्या घटनेत, हांडेवाडी रोड, हडपसर येथील २८ वर्षीय तक्रारदाराने फिर्याद दिली आहे. १४ एप्रिल रोजी चोरांनी रूमचा दरवाजा उघडा असल्याची संधी साधत तक्रारदाराच्या कंपनीने दिलेल्या लॅपटॉपसह अन्य एकाचा लॅपटॉप आणि दोन मोबाईल असा ७० हजारांचा ऐवज चोरीला गेल्याचे म्हटले आहे. याप्रकरणाचा पुढील तपास पोलिस उपनिरीक्षक जयश्री पाटोळे करत आहेत.
