कामगाराविरुद्ध खडक पोलिसांनी केला गु्न्हा दाखल
marathinews24.com
पुणे – व्यावसायिकाच्या कार्यालयातील कामगाराने दहा लाख रुपयांची रोकड चोरून नेल्याचा प्रकार उघडकीस आला आहे. याप्रकरणी कामगाराविरुद्ध खडक पोलिसांनी गु्न्हा दाखल केला. शुक्रवार पेठेतील सुभाषनगर परिसरात ही घटना घडली. याबाबत व्यावसायिकाने खडक पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, अखिलेश बसंतलाल वर्मा (रा. पुरोह, प्रयागराज, उत्तर प्रदेश) याच्याविरुद्ध गुन्हा दाखल करण्यात आला आहे.
डेक्कन नदीपात्रातील तरुणाचा खून प्रकरणाचा छडा – सविस्तर बातमी
पोलिसांनी दिलेल्या माहितीनुसार, तक्रारदार ५७ वर्षीय व्यावसायिक मार्केट यार्ड परिसरात राहायला आहे. त्यांचे शुक्रवार पेठेतील सुभाषनगर परिसरात कार्यालय आहे. आरोपी त्यांच्याकडे कामाला होता. १४ एप्रिल रोजी आरोपीने व्यावसायिकाच्या कार्यालयात ठेवलेली दहा लाखांची रोकड चोरली. रोकड चोरून तो पसार झाला. व्यावसायिकाने त्याच्या शोध घेतला, तसेच मोबाइल क्रमांकावर संपर्क साधला. चौकशीत आरोपी पसार झाल्याचे उघडकीस आल्यानंतर पोलिसांकडे तक्रार देण्यात आली. सहायक पोलीस निरीक्षक अर्जुन कुदळे तपास करत आहेत.
