पोलीस असल्याची बतावणी करणाऱ्या आरोपीविरुद्ध गुन्हा
marathinews24.com
पुणे – महापालिकेत नोकरी लावण्याच्या आमिषाने पाच लाखाांची फसवणूक केल्या प्रकरणी एकाविरुद्ध खराडी पोलिसांनी गुन्हा दाखल केला. याबाबत लता अरुण साळुंके (वय ६०, रा. गोल्डन चौक, चाकण) यांनी खराडी पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, केतन दादासाहेब साळुंके (वय ४०, रा. एमआयटी महाविद्यालयासमोर, लोणी काळभोर) याच्याविरुद्ध गुन्हा दाखल करण्यात आला आहे.
वारजे भागात सोसायटीतील दुकानात आग – सविस्तर बातमी
पोलिसांनी दिलेल्या माहितीनुसार, आरोपीने लता साळुंके यांच्याकडे पोलीस असल्याची बतावणी केली होती. पुणे महापालिकेतील वरिष्ठ अधिकाऱ्यांशी ओळख असल्याचे त्याने सांगितले होते. फिर्यादी साळुंके यांच्या नातीला महापालिकेच्या जन्म मूत्यू विभागात नोकरीला लावण्याचे आमिष त्याने दाखविले. खराडी भागातील एका उपाहारगृहाजवळ आरोपीने त्यांची भेट घेतली. गेल्या पंधरा ते वीस दिवसांत त्यांच्याकडून वेळाेवेळी पैसे घेतले. महापालिकेत नोकरी लावण्याबाबत त्यांनी विचारणा केली. पैसे मिळाल्यानंतर त्याने टाळाटाळ सुरू केली. फसवणूक झाल्याचे लक्षात आल्यानंतर त्यांनी नुकतीच खराडी पोलीस ठाण्यात तक्रार दिली. पोलीस उपनिरीक्षक घुले तपास करत आहेत.
