ओैंध परिसरातील घटना
marathinews24.com
पुणे – फ्लॅटचे कुलूप तोडून चोरट्यांनी ४ लाख रुपयांचे दागिने चोरून नेल्याची घटना ओैंध परिसरात घडली. याबाबत एका महिलेने चतु:शृंगी पोलीस ठाण्यात फिर्याद दिली आहे. त्यांनी दिलेल्या फिर्यादीनुसार चोरट्यांविरुद्ध गुन्हा दाखल करण्यात आला आहे.
पोलीस असल्याची बतावणी करुन ५ लाखांचे दागिने चोरीला – सविस्तर बातमी
पोलिसांनी दिलेल्या माहितीनुसार, तक्रारदार महिला आणि कुटुंबीय ओैंधमधील सानेवाडी भागातील एका सोसायटीत राहायला आहेत. २७ एप्रिल रोजी महिला आणि कुटुंबीय हे बाहेरगावी गेले होते. चोरट्यांनी सदनिकेचे कुलूप तोडले. शयनगृहातील कपाट उचकटून चोरट्यांनी चार लाख १५ हजार रुपयांचे सोन्याचे दागिने लांबविले. तक्रारदार महिला रविवारी (३ मे) बाहेरगावाहून परतल्या. तेव्हा सदनिकेत चोरी झाल्याचा प्रकार उघडकीस आला. सहायक पोलीस निरीक्षक अनिकेत पोटे तपास करत आहेत.
