विश्रांतवाडी पोलीस ठाण्यात गुन्हा दाखल
marathinews24.com
पुणे – बांधकाम कंपनीत नोकरीच्या आमिषाने सायबर चोरट्यांनी एकाची तीन लाख रुपयांची फसवणूक केल्याचा प्रकार उघडकीस आला. या प्रकरणी चोरट्यांविरुद्ध विश्रांतवाडी पोलिसांनी गु्न्हा दाखल केला.
याबाबत एकाने विश्रांतवाडी पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, सायबर चोरट्यांविरुद्ध गुन्हा दाखल करण्यात आला आहे.
वादातून रिक्षा चालकाच्या डोक्यात कुंडी घातली – सविस्तर बातमी
पोलिसांनी दिलेल्या माहितीनुसार, तक्रारदार हे कोथरूड भागात राहायला आहेत. सायबर चोरट्यांनी त्यांच्या मोबाइल क्रमांकावर संदेश पाठविला होता. बांधकाम कंपनीत चांगल्या पगाराची नोकरी, असे आमिष चोरट्यांनी त्यांना दाखविले होते. चोरट्यांनी बांधकाम कंपनीत नोकरी मिळविण्यासाठी एक अभ्यासक्रम पूर्ण करावा लागेल, असे सांगितले होते. त्यानंतर चोरट्यांनी त्यांना ऑनलाइन पद्धतीने पैसे पाठविण्यास सांगितले. चोरट्यांच्या खात्यात त्यांनी वेळोवेळी तीन लाख सात हजार रुपये जमा केले. नोकरीबाबत विचारणा करण्यासाठी त्यांनी चोरट्यांच्या मोबाइल क्रमांकावर संपर्क साधला. तेव्हा मोबाइल बंद असल्याचे दिसून आले. गुन्हे शाखेचे पोलीस निरीक्षक राऊत तपास करत घालत आहेत.
