तेलंगणा पोलिसांची कारवाई
marathinews24.com
पुणे – Pune Crime News : शहर पोलीस दलात कार्यरत असलेल्या अमलदाराला तेलंगणा पोलिसांनी गांजाची तस्करी करताना पकडले आहे. संबंधित अमलदाराला पकडल्यामुळे खळबळ उडाली आहे. पोलीस अमलदार १२ किलो गांजाची रेल्वेतून घेउन जात असताना त्याला ताब्यात घेण्यात आले. नितीन ज्ञानू शिंदे (वय ३३, रा. पुणे) असे पकडलेल्या अंमलदाराचे नाव आहे. याप्रकरणी त्याच्यावर तेलंगणा राज्यातील नेकुंडा पोलिस ठाण्यात एन डी पी एस कायद्यानुसार गुन्हा दाखल झाला आहे.
पुण्यात दुचाकी चोरी करणार्‍याला अटक; ५ गाड्या जप्त – सविस्तर बातमी
तेलंगणा पोलिसांनी रविवारी (दि.२५) याबाबतची माहिती पुणे पोलिसांना कळवली आहे. पोलीस अमलदार नितीन शिंदे हे वाहतूक शाखेतंर्गत विश्रामबाग वाहतूक विभागात कार्यरत होते. ८ ऑक्टोबर पासून ते वैद्यकीय रजेवर गेले होते. (Pune Crime News) त्यानंतर २५ ऑक्टोबरला शिंदेला रेल्वेतून १२ किलो गांजाची तस्करी करताना तेलंगणा पोलिसांनी पकडले. अमलदार शिंदे हे गांजा घेऊन कुठे जात होते, त्यांच्यासोबत अन्य कोणी आहे का यासंदर्भात माहिती मिळाली नाही. दरम्यान, पुणे पोलीस दलातील कर्मचारी गांजाची तस्करी करत असल्याचे उघडकीस खळबळ उडाली आहे.
