रिक्षाचालकाविरुद्ध पोलिसांनी गुन्हा दाखल
marathinews24.com
पुणे – भरधाव रिक्षाच्या धडकेत पादचारी ज्येष्ठ नागरिकाचा मृत्यू झाल्याची घटना बाणेर परिसरात घडली. याप्रकरणी पसार झालेल्या रिक्षाचालकाविरुद्ध पोलिसांनी गुन्हा दाखल केला आहे. गोपाळ गोविंद वाघ (वय ६३, रा. एनपी अटलाँटिस सोसायटी, बालेवाडी) असे मृत्युमुखी पडलेल्या पादचाऱ्याचे नाव आहे. याबाबत वाघ यांचा मुलगा अमितकुमार (वय ३५) यांनी बाणेर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार रिक्षा चालकाविरुद्ध गुन्हा दाखल करण्यात आला आहे.
प्रेमसंबंधास विरोध केल्याने मामावर कोयत्याने वार – सविस्तर बातमी
पोलिसांनी दिलेल्या माहितीनुसार, गोपाळ वाघ हे २० जुलै रोजी सायंकाळी पावणेपाचच्या सुमारास बाणेरमधील बालेवाडी फाटा भागातून निघाले होते. त्या वेळी न्यू पूना बेकरीसमोर भरधाव रिक्षाने वाघ यांना धडक दिली. अपघातानंतर घटनास्थळी न थांबता रिक्षाचालक पसार झाला. गंभीर जखमी झालेल्या वाघ यांना तातडीने खासगी रुग्णालयात दाखल करण्यात आले. उपचारांदरम्यना त्यांचा मृत्यू झाला. पसार झालेल्या रिक्षाचालकाचा शोध घेण्यात येत असून, सहायक निरीक्षक केकाण तपास करत आहेत.
पाषाण परिसरात भरधाव दुचाकीच्या धडकेत एक पादचारी महिला जखमी झाली आहे. याबाबत एका महिलेने बाणेर पोलीस ठाण्यात फिर्याद दिली आहे. याप्रकरणी पसार झालेल्या दुचाकीस्वाराविरुद्ध गुन्हा दाखल करण्यात आला आहे. तक्रारदार महिला पाषाणमधील विघ्नहर्ता चौकातून २० जुलै रोजी सकाळी नऊच्या सुमारास निघाल्या होत्या. त्या वेळी भरधाव दुचाकीने रस्ता ओलांडणाऱ्या महिलेला धडक दिली. अपघातात महिलेचा हात फ्रॅक्चर झाला. सहायक पोलीस फौजदार काळे तपास करत आहेत.
