सहप्रवासी मैत्रीण जखमी
marathinews24.com
पुणे – शहरातील कात्रज बाह्यवळण मार्गावर नवले पूल परिसरात प्रवासी वाहतूक करणाऱ्या आराम बसमच्या धडकेत दुचाकीस्वार महाविद्यालयीन तरुणाचा मृत्यू झाल्याची घटना घडली. अपघातात दुचाकीवरील सहप्रवासी तरुणी जखमी झाली.
अल्पवयीन मुलीकडून वेश्या व्यवसाय; धनकवडीतील लाॅजवर छापा – सविस्तर बातमी
नितीन जुनवणे (वय १९, रा. धायरी फाटा, सिंहगड रस्ता) असे मृत्युमुखी पडलेल्या दुचाकीस्वार तरुणाचे नाव आहे. अपघातात नितीन जुनवणेची सहप्रवासी मैत्रीण जखम झाली. मैत्रिणीने याबाबत भारती विद्यापीठ पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, तक्रादार तरुणी आणि दुचाकीस्वार नितीन हे महाविद्यालात शिक्षण घेत आहेत. १२ फेब्रुवारी रोजी दुचाकीस्वार नितीन आणि त्याची मैत्रीण नवले पूल परिसरातून कात्रजकडे रात्री पावणेदहाच्या सुुमारास निघाले होते. त्यावेळी प्रवासी वाहतूक करणाऱ्या आराम बसने दुचाकीला धडक दिली. अपघातात दोघे जण जखमी झाले. गंभीर जखमी झालेल्या दुचाकीस्वार नितीन याचा रुग्णालयात उपचारापूर्वींच मृत्यू झाला. अपघातानंतर पसार झालेल्या आराम बस चालकाचा शोध घेण्यत येत आहे. पोलीस उपनिरीक्षक प्रियंका निकम तपास करत आहेत.
