लष्कर पोलिस ठाण्यात गुन्हा दाखल
marathinews24.com
पुणे – हातात असलेले लोखंडी हत्यार भररस्त्यात हवेत फिरवत धमकी देणाऱ्याविरोधात पोलिसांनी गुन्हा दाखल करत अटक केली. याप्रकरणी पोलिस कर्मचारी संदीप उकिर्डे यांनी दिलेल्या फिर्यादीवरून लष्कर पोलिस ठाण्यात गुन्हा दाखल करण्यात आला आहे. मोहंमद उर्फ फैज तबरेज काझी (२०, रा. भवानीपेठ) असे अटक करण्यात आलेल्याचे नाव आहे.
पुण्यात अटकेच्या झटापटीत ड्रग्ज तस्कराचा मृत्यू – सविस्तर बातमी
पोलिसांनी दिलेल्या माहितीनुसार, मोहंमद याने शनिवारी (दि. १८) संध्याकाळी पाचच्या सुमारास डॉ. बाबासाहेब आंबेडकर भवन जवळ रस्त्यावर उभा असताना हातातील लोखंडी हत्यार हवेत फिरवत, ‘मैं यहाँ का भाई हूँ, अगर कोई मेरे बीच में आया तो मैं उसको खल्लास करूँगा’ असे मोठमोठ्याने बोलत परिसरात दहशत माजवली. माहिती पोलिसांना मिळताच त्याला घटनास्थळावरून ताब्यात घेत अटक केली. याप्रकरणाचा पुढील तपास पोलिस कर्मचारी मेंगे करत आहेत
