साथीदारांच्या मदतीने केले अपहरण, तिघांना अटक
भारती विद्यापीठ पोलीसांची कामगिरी
marathinews24.com
पुणे – डिलीव्हरी बॉयचे अपहरण करुन गुन्ह्याच्या धमकीने १० हजारांची खंडणी उकळणार्या आरोपींना भारती विद्यापीठ पोलिसांनी अटक केली आहे. याप्रकरणी गुन्ह्यातील अल्पवयीन मुलीलाही ताब्यात घेतले आहे. ही घटना ७ ते ८ डिसेंबर कालावधीत कात्रज घाटात घडली होती. अक्षय गंगाधर बुधेवार (वय २२ रा. गोकुळनगर, कात्रज) अमोल अंकुश शिंदे ( वय २८, रा. कर्वेनगर, कोथरूड) राहुल तानाजी शितोळे (वय २३ रा. महादेवनगर, शेलार मळा, कात्रज) याप्रकरणी प्रकाश दिनकर जोरी ( वय २८ रा. भुगाव) असे तक्रारदाराचे नाव आहे.
हडपसरमध्ये खासगी रुग्णालयाची तोडफोड भोवली – सविस्तर बातमी
तक्रारदार राहूल शितोळे डिलीव्हरी बॉय असून, ७ डिसेंबरला गुन्ह्यातील मुलीने त्याला कात्रज चौकात भेटायला बोलवुन घेतले. तिच्यासोबत कात्रज घाटात जात असताना मुलीचे साथीदार राहुल शितोळे, ऋषीकेश सुरते यांच्यासह दोघांनी राहूलला थांबवले. त्याला जबरदस्तीने येवलेवाडीत नेउन आरोपी अक्षय शेलार याच्यासह साथीदारांनी त्याला शिवीगाळ करीत हाताने मारहाण केली. पोक्सो अंर्तगत गुन्हा दाखल करण्याची धमकी देत ७० हजारांची खंडणी मागितली. त्यानंतर १० हजार रूपये रोख घेउन उर्वरित खंडणीसाठी सातत्याने फोन केला. याप्रकरणी राहूलने भारती विद्यापीठ पोलीस ठाण्यात धाव घेत तक्रार दाखल केली.
गुन्ह्याचे गांभीर्य ओळखून वरीष्ठ पोलीस निरीक्षक राहुल खिलारे यांच्या मार्गदर्शनाखाली उपनिरीक्षक निलेश मोकाशी, महेश बारवकर, मंगेश पवार, मंगेश गायकवाड, तुकाराम सुतार यांनी आरोपींचा माग काढला. तिघांना ताब्यात घेत १० डिसेंबरला अटक केली. ही कामगिरी पोलीस आयुक्त अमितेश कुमार, सहआयुक्त रंजनकुमार शर्मा, अपर आयुक्त राजेश बनसोडे, उपायुक्त मिलींद मोहीते, एसीपी राहुल आवारे, वरिष्ठ पोलीस निरीक्षक राहुल खिलारे, एपीआय स्नेहल थोरात, नागेश पिसाळ, नवनाथ खताळ, मंगेश गायकवाड, किरण साबळे, मितेश चोरमोले, संदीप आगळे, सचिन सरपाले, निलेश खैरमोडे, अभिनय चौधरी, सागर बोरगे यांनी केली.
फसवणूक झाली असल्यास कळवा
नागरिकांनो तुमचीही अशाच प्रकारे फसवणूक झाली असल्यास भारती विद्यापीठ पोलीस ठाण्यात धाव घेउन माहिती द्यावी. त्यामुळे संबंधित टोळीचे आणखी काही गुन्हे उघडकीस येण्यास मदत होईल, असे आवाहन वरिष्ठ पोलीस निरीक्षक राहूल खिलारे यांनी केले आहे.
