मानखुर्द मुंबईच्या ठगाविरुद्ध गुन्हा दाखल
marathinews24.com
पुणे – कर्नाटकातील तरुणांना रेल्वेमध्ये नोकरी लावतो असे प्रलोभन दाखवून फसवणूकीच्या प्रयत्नात असलेल्या ठगाविरुद्ध बंडगार्डन पोलिसांनी गुन्हा दाखल केला आहे. नितीन चंद्रकांत शेळके (वय.39,रा. मानखुर्द मुंबई) असे त्याचे नाव आहे.
अखेर अझरुद्दीन शेखला अटक; तलाठी मारहाण, जातीवाचक शिवीगाळ प्रकरण – सविस्तर बातमी
याप्रकरणी, रेल्वे पोलिस बलाचे (आरपीएफ) अधिकारी प्रवेशकुमार यादव (वय.31) यांनी फिर्याद दिली आहे. हा प्रकार बुधवारी (दि.25) दुपारी साडेबारा वाजताच्या सुमारास पुणे रेल्वेस्टेशन परिसरातील डिआरएम ऑफिसच्या वाहन पार्किंग येथे घडली आहे.
पोलिसांनी दिलेल्या माहितीनुसार, आरोपी शेळके हा मुळचा मानखुर्द मुंबई येथील राहणारा आहे. त्याने कर्नाटकातील तरुणांना तो रेल्वेत वरिष्ठ अधिकारी आहे अशी बतावणी केली होती. तरुणांना तो रेल्वेध्ये ग्रुप सी आणि ग्रुप डी मध्ये नोकरी लावते असे सांगून कर्नाट येथून पुण्यात आलेल्या आठ तरूणांना डीआरएम ऑफिसच्या परिसरात घेऊन थांबला होता. दरम्यान, हा प्रकार आरपीएफ अधिकाऱ्याच्या लक्षात आला. त्यांनी आरोपी शेळके याला हटकले तेव्हा हा प्रकार समोर आला. शेळके याने या तरुणांकडून काही पैसे घेतले नसले तरी तो फसवणूक करण्याच्या तयारी होती असे पोलिसांच्या प्राथमिक तपासात निदर्शनास आले आले. शेळके याने अशा प्रकारे कोणाची आर्थिक फसवणूक केली आहे का याचा तपास बंडगार्डन पोलिस करीत आहेत.
