लष्कर पोलीस ठाण्यात गुन्हा दाखल
marathinews24.com
पुणे – लष्कर भागात महाविद्यालयीन युवकाला धमकावून त्याच्याकडील रोकड लुटण्याचा प्रयत्न करण्यात आल्याची घटना घडली. याप्रकरणी दोन जणांना ताब्यात घेण्यात आले आहे. याबाबत एका महाविद्यालयीन युवकाने लष्कर पोलीस ठाण्यात फिर्याद दिली आहे.
‘पेन्शन कार्ड’ देण्याच्या आमिषाने ज्येष्ठ महिलेची फसवणूक – सविस्तर बातमी
तक्रारदार युवक सासवड रस्त्यावरील ऊरळी देवाची परिसरात राहायला आहे. तो २४ नोव्हेंबर रोजी सायंकाळी पावणेसहाच्या सुमारास लष्कर भागातील डेक्कन लायब्ररी परिसरातून निघाला होता. त्यावेळी दोघांनी त्याला अडवून धमकाविले. त्याच्या खिशातील रोकड काढून घेण्याचा प्रयत्न आरोपींनी केला. युवकाने त्यांना विरोध केल्यानंतर दोघे जण पसार झाले. घटनास्थळी नागरिक जमा झाल्याचे पाहताच दोघे जण पसार झाले. या घटनेची माहिती मिळताच पोलिसांनी घटनास्थळी भेट दिली. पसार झालेल्या दोघांना ताब्यात घेण्यात आले असून, त्यांना नोटीस बजाविण्यात आली आहे. पोलीस उपनिरीक्षक राहुल घाडगे तपास करत आहेत.
