वडगाव बुद्रुक येथील सिंहगड कॉलेजरोड क्रिकेटच्या मैदानाजवळ घडला अपघात
marathinews24.com
पुणे – ऑनलाईन शॉपींग साईच्या माध्यमातून घरगुती साहित्य पोहचविण्यासाठी जात असलेल्या डिलीव्हरी बॉयला मद्यधुंद वाहन चालकाने धडक दिली. धडकेत त्याचा मृत्यू झाला. हा प्रकार वडगाव बुद्रुक येथील सिंहगड कॉलेजरोड क्रिकेटच्या मैदानाजवळ घडला. वाहन चालक जखमी तरुणाला मदत न करताच निघून गेल्याने त्याचा मृत्यू झाला. राहुल दिनकर पवार (वय ३०, रा. मु. पो. पाटण, ता. सिंदखेडा, जि. धुळे) असे अपघाती मृत्यू झालेल्याचे नाव आहे.
केजमधील २१ वर्षीय विवाहित महिला बेपत्ता – सविस्तर बातमी
सोजल शामराव औटी (वय २२, रा. सेलपिंपळ गाव, आळंदी), अभिषेक संजय शिंदे (वय २१ रा. कोळणे फाटा, आळंदी) आणि विघ्नहतर्ता शामराव औटी (वय २७, रा. सेलपिंपळ गाव आळंदी, पुणे) यांच्यावर गुन्हा दाखल करून त्यांना ताब्यात घेण्यात आले आहे. हा अपघात १० फेब्रुवारीला रात्री साडेअकरा वाजण्याच्या सुमारास घडला. राहुलचा मित्र कैलास विक्रम डोईफोडे (वय ४६, रा. धायरी रोड, गोकुळनगर) याने फिर्याद दिली आहे.
तपास अधिकारी पोलिस उपनिरीक्षक माधुरी काजळे यांनी सांगितले, कारमधील तिघा आरोपींना अटक करण्यात आली आहे. मद्यधुंद अवस्थेत आरोपी कार चालवत असल्ल्याचे निष्पन्न झाले आहे. तर राहुल हा मुळचा धुळे येथील रहिवासी असून मागील दोन वर्षापासून कामासाठी तो पुण्यात आला होता. डिलेव्हीरी बॉयचे काम करून तो स्वतःची उपजिवीका भागवत घरी पैसे पाठवत होता.
