तरूण गंभीर, महिला ठार
marathinews24.com
पुणे – भरधाव डंपर ( हायवा) चालकाने दिलेल्या धडकेत दुचाकीस्वार तरूण गंभीररित्या जखमी झाला असून, अपघातात त्याची आई ठार झाली आहे. याप्रकरणी डंपर चालकाला येरवडा पोलिसांनी अटक केली आहे. हा अपघात ४ नोव्हेंबरला रात्री साडेनउच्या सुमारास येरवड्यातील संगमवाडी परिसरात घडला आहे.
बँकेतून बोलत असल्याच्या बतावणीने ऑनलाईन गंडा – सविस्तर बातमी
कविता पिराजी सिताप (वय ३८ , रा. गवळीवाडा, खराडी) असे ठार झालेल्या महिलेचे नाव आहे. बालाजी पिराजी सिताप (वय २०, रा. गवळीवाडा, खराडी ) असे गंभीर जखमी झालेल्या तरूणाचे नाव आहे. त्याने येरवडा पोलीस ठाण्यात फिर्याद दाखल केली आहे. त्यानुसार डंपर चालक राज अंबा रेड्डी (वय ३१ रा. धायरी) याला अटक केली आहे.
पोलिसांनी दिलेल्या माहितीनुसार, दुचाकीस्वार बालाजी सिताप आणि त्याचा आई कविता हे ४ नोव्हेंबरला रात्री साडेनउच्या सुमारास संगमवाडी परिसरातील ट्रॅव्हल्स कार्यालयासमोरून जात होते. त्यावेळी पाठीमागून आलेल्या डंपर चालक राज रेड्डी याने दुचाकीस्वार सितापला धडक दिली. त्यामुळे खाली पडल्यामुळे सिताप माय-लेक गंभीररित्या जखमी झाले. त्यांना जवळच्या रूग्णालयात दाखल करण्यात आले होते. उपचारादरम्यान कविताचा मृत्यू झाल्याचे डॉक्टरांनी घोषित केले. याप्रकरणी सहायक पोलीस निरीक्षक नंदनवार तपास करीत आहेत.
