मोबाइलधारकाविरूद्ध गुन्हा दाखल
marathinews24.com
पुणे – बँकेतून बोलत असल्याच्या बताणी करीत सायबर चोरट्याने एका महिलेला ९ लाख रूपयांचा ऑनलाईन गंडा घातला आहे. ही घटना १६ ते १७ ऑगस्टला स्वारगेट परिसरातील महर्षीनगरात घडली आहे. याप्रकरणी ४५ महिलेने स्वारगेट पोलीस ठाण्यात फिर्याद दाखल केली आहे. त्यानुसार मोबाइलधारकाविरूद्ध गुन्हा दाखल करण्यात आला आहे.
शेअर ट्रेडींगच्या आमिषाने चार लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार महिला महर्षीनगरमध्ये राहायला असून, १६ ऑगस्टला सायबर चोरट्याने त्यांना फोन करून बँकेतून बोलत असल्याची बतावणी केली. महिलेचा विश्वास संपादित केल्यानंतर सायबर चोरट्याने त्यांच्याकडून बँकखात्याचे डिटेल्स घेतले. त्यानंतर त्यांच्या बँक खात्यातून ऑनलाईनरित्या ९ लाखांची रक्कम वर्ग करून घेत फसवणूक केली. रक्कम कमी झाल्याचा मेसेज आल्यानंतर महिलेला फसवणूक झाल्याचे लक्षात आले. त्यानंतर त्यांनी पोलीस ठाण्यात तक्रारी अर्ज दाखल केला होता. त्यानुसार गुन्हा दाखल करण्यात आला आहे. वरिष्ठ पोलीस निरीक्षक यशवंत निकम तपास करीत आहेत.
