लातूर-अंबाजोगाई महामार्गावरील रेणापूर फाट्याजवळ झाला अपघात
marathinews24.com
बीड (अनंत जाधव) – जिल्ह्यातील केज तालुक्याचे तहसीलदार राकेश गिड्डे यांचा गुरुवारी (दि.९) सकाळी लातूर-अंबाजोगाई महामार्गावरील रेणापूर फाट्याजवळ झालेल्या भीषण कार अपघातात मृत्यू झाल्याची घटना घडली आहे. तहसीलदार राकेश गिड्डे असे त्यांचे नाव आहे. गिड्डे हे स्वतःच्या कारने प्रवास करत असताना त्यांच्या वाहनाचा अपघात झाला.
प्राथमिक माहितीनुसार, कारमध्ये ते एकटेच होते. गाडी वेगात असताना अचानक नियंत्रण सुटून पलटी झाल्याने हा अपघात घडल्याचा अंदाज रेणापूर पोलिसांनी वर्तविला आहे. अपघाताची तीव्रता इतकी मोठी होती की यामध्ये त्यांचा जागीच मृत्यू झाला. घटनेची माहिती मिळताच स्थानिक पोलिसांनी तातडीने धाव घेऊन त्यांचा मृतदेह उत्तरीय तपासणीसाठी रेणापूर येथील ग्रामीण रुग्णालयात दाखल केला आहे कार्यक्षम आणि तरुण अधिकाऱ्याच्या अशा अचानक जाण्याने महसूल प्रशासनासह संपूर्ण केज तालुक्यावर मोठी शोककळा पसरली असून पोलीस या प्रकरणाचा तपास करत आहेत.
