फुरसुंगी पोलिसांनी उत्तर प्रदेशातून मुलीला शोधले
marathinews24.com
पुणे – लग्नाच्या आमिषाने पळवून नेलेल्या अल्पवयीन मुलीला फुरसुंगी पोलिसांनी उत्तर प्रदेशातून शोधून काढले आहे. मुलीला तिच्या आई वडीलांच्या ताब्यात देण्यात आले आहे. पोलिसांनी मुलीला पळवून नेणाऱ्यासह त्याला साथ देणाऱ्या सावत्र आईला अटक केली आहे.
येरवड्यात २१ लाखाचा गुटखा जप्त – सविस्तर बातमी
रमेश मसनाजी पिट्टलवाड (वय २५ रा. धगनगर वस्ती उरूळी देवाजी, मुळ. नादेंड) आणि मुक्ताबाई मसनाजी पिट्टलवाड (वय ३५, रा. साखरे वस्ती हिंजवडी) अशी अटक केलेल्यांची नावे आहेत.
पोलिसांनी दिलेल्या माहितीनुसार, रमेश पिट्टलवाड पुण्यात राहत असताना, त्याची १३ वर्षीय अल्पीयीन मुलीसोबत ओळख झाली होती. लग्नाचे आमिष दाखवून त्याने १८ ऑक्टोबरला मुलीला पळवून नेले होते. मुलगी घरातून बेपत्ता झाल्यानंतर तिच्या कुटूंबियांनी फुरसूंगी पोलिसात तक्रार दाखल केली. अपहरणाचा गुन्हा दाखल करून तपास सुरू केला. त्यावेळी रमेशची सावत्र आई मुक्ताबाई हिने त्यांना प्रवास खर्च देवून हैद्राबादला पाठवल्याचे समोर आले.
पोलीस हैद्राबादला पोहले मात्र, त्यापूर्वीच रमेश मुलीला घेवून पसार झाला. पोलिसांनी तांत्रिक विश्लेषण करून रमेश आणि मुलगी उत्तर प्रदेशातील बामणौली, ता.बडोत, जि. बागपत येथे असल्याची माहिती मिळाली. वरिष्ठ पोलिस निरीक्षक अमोल मोरे , पोलीस निरीक्षक राजेश खांडे यांच्या मार्गदर्शनाखाली सहायक पोलिस निरीक्षक नानासाहेब जाधव यांचे पथक उत्तर प्रदेशात दाखल झाले.
स्थानिक पोलिसांच्या मदतीने चार दिवस तपास केल्यानंतर फुरसूंगी पोलिसांना रमेश व अल्पवयीन मुलगी शेधण्यात यश आले. पोलिसांनी दोघांनाही ताब्यात घेऊन पुण्यात आणले. एक महिना तपास करून फुरसूंगी पोलिसांनी अल्पवयीन मुलीला तिच्या ताब्यात दिले.
