पतीसह ६ जणांविरुद्ध गुन्हा
marathinews24.com
पुणे – मुलगा नपुंसक असताना विवाह करुन फसवणूक, तसेच छळ केल्याप्रकरणी पतीसह सहा जणांविरुद्ध समर्थ पोलिसांनी गुन्हा दाखल केला. २३ वर्षीय तरुणीने समर्थ पोलीस ठाण्यात फिर्याद दिली आहे. तरुणीने दिलेल्या फिर्यादीनुसार, पती, सासू-सासरे, नणंद, तिचा पती, चुलत सासरे यांच्यासह नातेवाईकांविरुद्ध गुन्हा दाखल करण्यात आला आहे.
कंटेनरला उटी लावण्याच्या नादात जीव गमवला – सविस्तर बातमी
पोलिसांनी दिलेल्या माहितीनुसार, तरुणीचा १८ एप्रिल रोजी एका ३२ वर्षीय तरुणाशी विवाह झाला होता. विवाहानंतर काही दिवसांनी पती नपुंसक असल्याचे तिच्या लक्षात आले. तिने याबाबतची माहिती सासू-सासऱ्यांना दिली. त्यानंतर सासू-सासरे आणि नातेवाईकांनी तिला धमकावले. पती नपुंसक असल्याचे कोणाला सांगितल्यास त्याचे गंभीर परिणाम भाेगावे लागतील, अशी धमकी देऊन तरुणीचा छळ सुरू करण्यात आला. तरुणीचे एकाबरोबर प्रेमप्रकरण सुरू असल्याचा आरोप त्यांनी केला.
पती,सासू-सासरे, तसेच नातेवाईकांनी माझी बदनामी केली. विवाहात मानपान केला नाही, असे सांगून माझा छळ केला. माहेरुन पैसे आणि सोने आण्याची मागणी केली, असे तरुणीने फिर्यादीत म्हटले आहे. सहायक पोलीस निरीक्षक मगदूम तपास करत आहेत.
