शासकीय रुग्णालयांमध्ये सुरक्षा पर्यवेक्षक व रक्षक पदांसाठी माजी सैनिकांची भरती

सुरक्षा पर्यवेक्षक व सुरक्षा रक्षक पदाकरीता अर्ज करण्याचे सैनिक कल्याण विभागाचे आवाहन

marathinews24.com

पुणे – महाराष्ट्र माजी सैनिक महामंडळ, महाराष्ट्र राज्य यांच्या अधिपत्याखाली शासकीय वैद्यकीय महाविद्यालय व सर्वोपचार रुग्णालय, बारामती, येथे २ सुरक्षा पर्यवेक्षक महिला, ७० सुरक्षा रक्षक पुरुष व ४० सुरक्षा रक्षक महिला आणि शासकीय आयुर्वेदिक महाविद्यालय, बारामती येथे २ सुरक्षा पर्यवेक्षक पुरुष व ५६ सुरक्षा रक्षक पुरुष हि पदे भरण्यासाठी माजी सैनिक, माजी अर्ध सैनिक बल, माजी सैनिक पत्नी/विधवा व माजी सैनिक पाल्य यांच्यासाठी भरती प्रक्रिया कंत्राटी पद्धतीने राबविण्यात येणार आहे.

शेती ही केवळ अन्न देणारी व्यवस्था नसून, ती संस्कृती, पर्यावरण आणि अर्थव्यवस्थेचा आधार आहे- उपमुख्यमंत्री अजित पवार – सविस्तर बातमी

नियुक्तीच्या तारखेला इच्छुक उमेदवारांमध्ये माजी सैनिकाचे वय ३५ ते ५८ वर्ष, माजी अर्ध सैनिक बलातील उमेदवाराचे वय ३५ ते ५५ वर्ष, माजी सैनिक पत्नी/विधवा यांचे वय २१ ते ४५ वर्ष व माजी सैनिक पाल्याचे वय ३५ ते ५५ वर्ष यामधील असावे. सर्वसाधारणपणे सन्मानजनक वेतन (विभागानुसार), प्रोविडंट फंड (PF), जीवन विमा, ग्रॅज्युएटी (Gratuity), ई. एस. आय. (ESI). नियमानुसार स्थायी रजा १४ दिवस व प्रासंगिक रजा ८ दिवस मिळतील.

इच्छुक माजी सैनिकांनी अधिक माहितीसाठी पर्यवेक्षक श्री. यशवंत बांदल ९४२२८३०४७५ यांच्याशी संपर्क साधावा, असे आवाहन पुण्याचे जिल्हा सैनिक कल्याण अधिकारी लेफ्टनंट कर्नल हंगे स. दै. (नि.) यांनी प्रसिद्धीपत्रकाद्वारे केले आहे.