सायबर चोरट्यांविरुद्ध गुन्हा दाखल
marathinews24.com
पुणे – शेअर बाजारात गुंतवणुकीच्या आमिषाने सायबर चोरट्यांनी एका ज्येष्ठ नागरिकाची २२ कोटी रुपयांची फसवणूक केल्याचे उघडकीस आले. या प्रकरणी सायबर चोरट्यांविरुद्ध गुन्हा दाखल करण्यात आला आहे. याबाबत ज्येष्ठ नागरिकाने सायबर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार सायबर चाेरट्यांविरुद्ध गुन्हा दाखल करण्यात आला आहे.
कारवाईची भीती दाखवून महिलेची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार ८८ वर्षीय ज्येष्ठ नागरिक मूळचे गुरुग्राममधील आहेत. ते मगरपट्टा सिटी परिसरात राहायला आहे. त्यांचा मुलगा आणि सून हे माहिती व तंत्रज्ञान कंपनीत कामाला आहेत. हडपसरमधील ओैद्योगिक वसाहतीत छोटा कारखाना होता. करोना काळात कारखान्याची विक्री करण्यात आली. कारखाना विक्रीतून त्यांना मोठी रक्कम मिळाली. गेल्या मोबाइल क्रमांकावर गेल्या वर्षी ऑक्टोबर महिन्यात सायबर चोरट्यांनी संपर्क साधला. शेअर बाजारात गुंतवणूक केल्यास चांगला परतावा मिळेल, असे आमिष चोरट्यांनी त्यांना दाखविले. चोरट्यांच्या खात्यात त्यांनी सुरुवातीला काही रक्कम गुंतविली.
चोरट्यांनी सुरुवातीला त्यांच्या खात्यात काही रक्कम जमा केली. रक्कम जमा केल्यानंतर चोरट्यांनी परतावा दिल्याचे भासविले. प्रत्यक्षात त्यांना परतावा दिला नाही. ज्येष्ठ नागरिकाने चोरट्यांच्या वेगवेगळ्या बँक खात्यात वेळोवेळी २२ कोटी ३ लाख २२ हजार रुपये जमा केले. फसवणूक झाल्याचे लक्षात आल्यानंतर त्यांनी नुकतीच पोलिसांकडे तक्रार दिली. वरिष्ठ पोलीस निरीक्षक स्वप्नाली शिंदे तपास करत आहेत.
