दोघांना बेड्या, विमानतळ पोलिसांची कामगिरी
marathinews24.com
पुणे – पोलिसांच्या नजरेतून वाजण्यासाठी तस्कराने आयडिया शोधून ऑनलाईन विक्रीचा मार्ग निवडला. थेट पोर्टरद्वारे प्रतिबंधित ई-सिगारेट, हुक्का फ्लेवरची घरपोहोच सेवा सुरू केली. ना संशय, ना पकडले जाण्याची भीती. मात्र, विमानतळ पोलिसांनी संबंधित तस्करांचा पर्दाफाश केला असून, त्यांच्याकडून १ लाख ४३ हजारांचे हुक्का फ्लेवर, ई-सिगारेटसह इतर साहित्य जप्त केले आहे. दरम्यान, तस्कराने पोर्टरद्वारे अमली तस्करीची निवडलेली आयडिया पोलिसांनी उध्वस्त केल्यामुळे पोलिसांच्या कामगिरीचे कौतुक केले जात आहे.
मुंढवा चौकात दुचाकीस्वार चोरट्यांचा राडा, तरुणाला लुटले – सविस्तर बातमी
असद चांदमिया बरभैया (वय ३१ रा. कोंढवा) आणि विकास रमेश बागूल (वय ३३ रा. मोहम्मंदवाडी )अशी अटक केलेल्यांची नावे आहेत. त्यांच्याविरूद्ध विमानतळ पोलीस ठाण्यात गुन्हा दाखल करण्यात आला आहे. विमानतळ पोलीस ठाण्याच्या हद्दीत ऑनलाईनपणे इ-सिगारेटसह हुक्का फ्लेवरची विक्री होत असल्याची माहिती पोलीस अमलदार हरीप्रसाद पुंडे यांना मिळाली. त्यानुसार ३० जूनला बनावट ग्राहकाच्या मदतीने पथकाने ऑनलाईनरित्या हुक्का फ्लेवरची ऑर्डर दिली. त्यानुसार विमाननगरमधील कोणार्कनगरात पोर्टरद्वारे डिलीव्हरी देण्यासाठी एकजण आला. पथकाने त्याला ताब्यात घेउन, पार्सल घेतलेल्या ठिकाणाची माहिती घेतली.
डिलीव्हरी बॉयने पार्सल हे एनआयबीएमर रोडनजीक मोहमंदवाडीतून घेतल्याचे सांगितले. त्यानुसार विमानतळ पोलिसांच्या पथकाने कड नगरचौक शिशा कॉर्नर दुकानावर छापा टाकला. त्याठिकाणाहून असद बरभैया, विकास बागूल यांना ताब्यात घेण्यात आले. त्यांच्या दुकानातून १ लाख २५ हजारांचा हुक्का, इ-सिगारेटसह साहित्य जप्त केले. आरोपींविरूद्ध गुन्हा दाखल करून अटक केली आहे. ही कामगिरी उपायुक्त अबिनाश कुमार, सहायक पोलीस आयुक्त सुनील दोरगे, वरिष्ठ निरीक्षक गोविंद जाधव, पोलीस निरीक्षक महेश बोलके, उपनिरीक्षक नितीन राठोड, लालु कर्हे, राहूल जोशी, रूपेश पिसाळ, योगेश थोपटे, सचिन मांजरे, अंबादास चव्हाण, दिगंबर गोरे, राजीव टोम्पे, प्रशांत सुतार, अंकुश जोगदंडे, आशा धादवड, सना शेख यांनी केली.
