खडक पोलिस ठाण्यात गुन्हा दाखल
marathinews24.com
पुणे – मॉर्निंग वॉकला गेलेल्या ज्येष्ठ महिलेच्या गळ्यातील मंगळसूत्र दुचाकीस्वार चोरांनी लांबवले. ही घटना साठे कॉलनी परिसरात शनिवारी (दि. १८) सकाळी सहाच्या सुमारास घडली. याप्रकरणी महिलेच्या तक्रारीवरून खडक पोलिस ठाण्यात गुन्हा दाखल करण्यात आला आहे.
डिजिटल लॉक उघडून २७ लाखांचे दागिने लांबवले – सविस्तर बातमी
पोलिसांनी दिलेल्या माहितीनुसार, शुक्रवार पेठेतील ६४ वर्षीय महिला मॉर्निंग वॉकसाठी घराबाहेर पडल्या होत्या. तपाडीया बंगला, साठे कॉलनी येथे त्या आल्या असता पाठीमागून आलेल्या दुचाकीस्वारांनी त्यांच्याकडे पत्ता विचारण्याचा बहाणा करत गळ्यातील १ लाख ९० हजारांचे मंगळसूत्र व सोन्याची चैन जबरदस्तीने ओढून पळ काढला. याप्रकरणाचा पुढील तपास सहायक पोलिस निरीक्षक कुदळे करत आहेत.
