लक्ष्मीनगर पोलिसांची कारवाई
marathinews24.com
पुणे – शहरातील येरवडा परिसरातील यल्लम्मा देवीच्या मंदिरातून चांदीचा मुकुट चोरट्याला अवघ्या २४ तासात पोलिसांनी अटक केली आहे. पोलिसांनी त्याच्याकडून चांदीचा मुकुट हस्तगत केला. शिवराम पापा काळे (४७, रा. सुरक्षानगर, येरवडा) असे अटक आरोपीचे नाव आहे.
धारूर घाटात ऑइल गळतीमुळे अपघातांची मालिका – सविस्तर बातमी
पोलिसांनी दिलेल्या माहितीनुसार, येरवडा परिसरात शुक्रवारी (दि. २०) चोरट्याने यल्लम्मा देवीचा ७०० ग्रॅम वजनाचा १ लाख ८४ हजार रुपयांचा चांदीचा मुकुट चोराने
चोरून नेला होता. याप्रकरणी गुन्हा दाखल करण्यात आला होता. वरिष्ठ पोलिस निरीक्षक रविंद्र कदम यांच्या मार्गदर्शनाखाली पोलिस पथकाने तांत्रिक तपासासह अन्य ठिकाणच्या सीसीटीव्ही फुटेजच्या मदतीने शिवराम काळे याला ताब्यात घेतले. चौकशीत त्यानेच मुकुट चोरल्याचे कबूल केले. त्याच्याकडून चांदीचा मुकुट देखील पोलिसांनी हस्तगत केला. ही कामगिरी अपर पोलिस आयुक्त मनोज पाटील, परिमंडळ चारचे पोलिस उपायुक्त चिलुमुला रजनीकांत यांच्या मार्गदर्शनाखाली सहायक पोलीस निरीक्षक रविकांत नंदनवार यांच्यासह पथकाने केली.
