खराडी भागात घडली घटना
marathinews24.com
पुणे – सजावटीसाठी लागणाऱ्या मोटारीचे सुटे भाग विक्री करणाऱ्या दुकानातून चोरट्यांनी पावणे चार लाख रुपयांचा मुद्देमाल चोरुन नेल्याची घटना खराडी भागात घडली. याबाबत व्यावसायिकाने खराडी पोलीस ठाण्यात फिर्याद दिली आहे. त्यांनी दिलेल्या फिर्यादीनुसार चोरट्यांविरुद्ध गुन्हा दाखल करण्यात आला आहे.
बसच्या धडकेत दुचाकीस्वाराचा मृत्यू – सविस्तर बातमी
पोलिसांनी दिलेल्या माहितीनुसार, तक्रारदाराचे खराडीतील आपले घर सोसायटी परिसरात सजावटीसाठी लागणाऱ्या मोटारीचे सुटे भाग (कार ॲक्सेसरीज) विक्री करण्याचे दुकान आहे. चोरट्यांनी दुकानाचा पत्रा कापून आत प्रवेश केला. चोरट्यांनी पावणे चार लाख रुपयांचे सुटे भाग चोरून नेल्याची घटना नुकतीच घडली. पोलिसांनी दुकानातील सीसीटीव्ही चित्रीकरण ताब्यात घेतले असून, चोरट्यांचा शोध घेण्यात येत आहे. पोलीस उपनिरीक्षक राहुल कोळपे तपास करत आहेत.
