२८ लाखाचे एमडी, मोटारीसह ५५ लाखांचा ऐवज जप्त
marathinews24.com
पुणे – मेफेड्रोन विक्रीच्या तयारीत असलेल्या दोन तस्करांना वाघोली पोलिसांनी अटक केली आहे. त्यांच्याकडून २८ लाखांचे एमडी, मोटार मोबाईल असा ५५ लाखांहून अधिक माल जप्त केला आहे. अटकेतील दोघेही तस्कर गेल्या वर्षभरापासून ड्रग्ज पुरवठा करत असल्याचे उघडकीस आले आहे. किशन नंदकिशोर लधड (वय ३५, रा. धानोरी) हनुमान रूपाराम चौधरी (वय ३३, रा. वडगाव मावळ) अशी अटक केलेल्याची नावे आहेत. याप्रकरणी वाघोली पोलिस ठाण्यात गुन्हा नोंद आहे.
उपाहारगृह चालकाच्या मुलाचा खुनाचा प्रयत्न – सविस्तर बातमी
केसनंद परिसरात ड्रग्ज बाळगणाऱ्या किशन लधड याला अटक केली होती. वाघोली परिसरात सुरु असलेली ड्रग्ज तस्करीचा पर्दापाश केला. तपासी अधिकारी सहायक पोलीस निरीक्षक विजय चंदन यांनी लधडकडे केलेल्या तपासात त्याने हनुमान चौधरी याच्याकडून ड्रग्ज खरेदी केल्याचे सांगितले. त्यानुसार पथकाने चौधरीला ताब्यात घेतले. त्यानुसार पथकाने चौधरीला वडगाव मावळ भागातून सापळा रचून पकडले.
आरोपी चौधरीकडील गाडीत तब्बल २८ लाख रुपयांचा १३४ ग्रॅम एमडी जप्त केले. तो मूळचा राज्यस्थानातील असून, तेथून ड्रग्ज आणून पुण्यात विक्री करत असल्याचे समोर आले आहे. ही कारवाई पोलीस आयुक्त अमितेश कुमार, सहआयुक्त रंजनकुमार शर्मा, अपर आयुक्त मनोजकुमार पाटील, उपायुक्त सोमय मुंडे, एसीपी नुतन पवार, वरिष्ठ पोलीस निरीक्षक नंदकिशोर गायकवाड, पोलीस निरीक्षक पल्लवी मेहेर, एपीआय विजय चंदन, उपनिरीक्षक अमोल काळे, प्रदीप मोरे, शेखर शिंदे, विशाल गायकवाड, मारुती वाघमारे यांनी केली.
