नांदेडसिटी पोलीस ठाण्यात गुन्हा दाखल
marathinews24.com
पुणे – टास्क पुर्ण करण्यासाठी सायबर चोरट्यांनी तरूणाला लिंक पाठवून रजिस्ट्रेशन करण्यास भाग पाडले. त्यानंतर त्याच्याकडून तब्बल ५ लाख रूपये ऑनलाईनरित्या वर्ग करून घेत फसवणूक केली आहे. ही घटना १२ ते १४ ऑक्टोबर २०२४ कालावधीत खडकवासला परिसरात घडली आहे. याप्रकरणी २६ वर्षीय तरूणाने नांदेडसिटी पोलीस ठाण्यात फिर्याद दाखल केली आहे. त्यानुसार मोबाइलधारकासह युपीआयडीधारकाविरूद्ध गुन्हा दाखल केला आहे.
पीएमपी चालकाच्या डोक्यात दुचाकीस्वाराने मारला दगड – सविस्तर बातमी
पोलिसांनी दिलेल्या माहितीनुसार, तक्रारदार हे खडकवासला परिसरात राहायला असून, १२ ऑक्टोबर २०२४ मध्ये सायबर चोरट्यांनी त्यांच्याशी संपर्क साधला. टास्क पुर्ण करण्याचे आमिष दाखवून त्याला सायबर चोरट्यांनी लिंक पाठवून रजिस्ट्रेशन करण्यास सांगितले. त्यानंतर ५ लाख रूपये वर्ग करण्यास भाग पाडून फसवणूक केली आहे. याप्रकरणी तक्रारदाराने नुकतीच पोलीस ठाण्यात धाव घेतली होती. त्यानुसार गुन्हा दाखल करण्यात आला आहे. याप्रकरणी वरिष्ठ पोलीस निरीक्षक अतुल भोस तपास करीत आहेत.
