गुणवंत विद्यार्थी व सेवानिवृत्त सभासदांचा सत्कार
marathinews24.com
पुणे – ॲग्रिकल्चरल कॉलेज फार्म को-ऑपरेटिव्ह क्रेडिट सोसायटी लि. पुणे ची ११० वी वार्षिक सर्वसाधारण सभा श्री कृष्ण सावंत यांच्या अध्यक्षतेखाली नुकतीच कृषी महाविद्यालयातील शिरनामे सभागृहात संपन्न झाली. प्रसंगी सोसायटीच्या ११० वर्षांचा इतिहास थोडक्यात मांडणारी चित्रफित दाखवून वर्षभरात देवाज्ञा झालेल्या सभासदांना, भारतीय जवानांना, शेतकऱ्यांना श्रद्धांजली अर्पण करण्यात आली.
सार्वजनिक उपक्रम समितीची मिसिंगलिंक प्रकल्पास भेट – सविस्तर बातमी
या वार्षिक सभेसाठी प्रमुख पाहुणे म्हणून कृषी महाविद्यालयाचे सहयोगी अधिष्ठाता डॉ. महानंद माने, विभागीय कृषी संशोधन प्रकल्पाचे डॉ. सुभाष भालेकर उपस्थित होते. सभेचे प्रास्ताविक भाषण सोसायटीचे विद्यमान अध्यक्ष श्रीकृष्ण सावंत यांनी करून मान्यवरांचा सत्कार करण्यात आला.
वार्षिक सभेचे अवचित्य साधून दहावी बारावीच्या गुणवंत विद्यार्थ्यांचा सन्मान करून प्रमाणपत्र व भेट वस्तू देण्यात आले. सेवानिवृत्त संचालक आणि सभासदांचा सत्कार, तसेच विशेष प्राविण्य पुरस्काराचे वितरण करण्यात आले. सोसायटीच्या सचिव सौ. सुवर्णा टिळेकर यांनी मागील सभेचा वृत्तांत वाचन करून काय ठराव सभासदांपुढे प्रस्तुत केले. सभासदांच्या शंकांचे समाधान अध्यक्ष श्रीकृष्ण सावंत, उपाध्यक्ष पद्मनाथ गरसुळे, सचिव सौ. सुवर्णा टिळेकर यांच्यासह उपस्थित संचालक मंडळांनी केले. संपूर्ण सभेचे सूत्रसंचालन गणेश मोढवे यांनी केले होते. राष्ट्रगीताने सभेची सांगता करण्यात आली.
