सायबर पोलीस ठाण्यात गुन्हा दाखल
marathinews24.com
पुणे – शेअर ट्रेडींगमध्ये गुंतवणूक केल्यास चांगला परतावा देण्याचे आमिष दाखवून सायबर चोरट्यांनी तरूणाला तब्बल ६१ लाखांचा गंडा घातला आहे. ही घटना १६ ऑगस्ट ते १० सप्टेंबर २०२५ कालावधीत वाघोलीत घडली आहे. याप्रकरणी संबंधिताने सायबर पोलीस ठाण्यात फिर्याद दाखल केली आहे. त्यानुसार मोबाइलधारकासह बँकखाते धारकाविरूद्ध गुन्हा दाखल केला आहे.
पुण्यात शस्त्रास्त्र बाळगणार्या दोघांना अटक – सविस्तर बातमी
पोलिसांनी दिलेल्या माहितीनुसार, तक्रारदार तरूण वाघोलीत राहायला असून, १६ ऑगस्टला सायबर चोरट्यांनी त्यांना फोन केला. शेअर ट्रेडींगमध्ये गुंतवणूक केल्यास चांगला परतावा मिळेल, अशी बतावणी केली. चांगला परताव्याच्या आमिषाने सायबर चोरट्यांनी तरूणाला गुंतवणूकीला भाग पाडले. ६१ लाख रूपयांची गुंतवणूक केल्यानंतरही त्यांना परतावा मिळाला नाही. फसवणूक झाल्याचे लक्षात आल्यानंतर तक्रारदाराने सायबर पोलीस ठाणे गाठून तक्रार केली. याप्रकरणी वरिष्ठ पोलीस निरीक्षक स्वप्नाली शिंदे तपास करीत आहेत.
