अलका टॉकीज, लक्ष्मी रस्त्यावरील घटना
marathinews24.com
पुणे – गणेश विसर्जनाचा सोहळा पाहण्यासाठी गेलेल्या महिलांवर दागिने गमविण्याची वेळ आली आहे. गर्दीचा फायदा घेउन चोरट्यांनी दोन महिलांच्या गळ्यातील २ लाख २५ हजारांचे दागिने चोरून नेले आहेत. या घटना ६ ते ७ सप्टेंबरला मध्यवर्ती लक्ष्मी रस्ता आणि अलका टॉकीज चौकात घडल्या आहेत. त्यानुसार याप्रकरणी विश्रामबाग पोलीस ठाण्यात चोरट्यांविरूद्ध गुन्हा दाखल करण्यात आला आहे.
मेट्रो प्रवासी महिलेशी अश्लिल वर्तन, ज्येष्ठाविरुद्ध गुन्हा – सविस्तर बातमी
पहिल्या घटनेत तक्रारदार महिला बावधनमध्ये राहायला असून, ६ सप्टेंबरला दुपारी साडेबाराच्या सुमारास गणपती विसर्जन सोहळा पाहण्यासाठी लक्ष्मी रस्त्यावर थांबल्या होत्या. त्यावेळी गर्दीचा फायदा घेउन चोरट्यांनी महिलेच्या गळ्यातील १ लाख २५ हजारांची सोन्याची चैन हिसकावून नेली. काही वेळानंतर महिलेला गळ्यात चैन नसल्याचे दिसून आले. त्यानंतर त्यांनी तातडीने विश्रामबाग पोलीस ठाण्यात धाव घेउन तक्रार दाखल केली. याप्रकरणी पोलीस अमलदार पडघमकर तपास करीत आहेत.
गणेश विजर्सन सोहळ्यात गर्दीचा फायदा घेउन चोरट्यांनी महिलेच्या हातातील १ लाखांचे सोन्याचे ब्रेसलेट चोरून नेले. ही घटना ७ सप्टेंबरला रात्री साडेबाराच्या सुमारास अलका टॉकीज चौकात घडली आहे. याप्रकरणी औंधमध्ये राहणार्या महिलेने विश्रामबाग पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे. पोलीस अमलदार जाधव तपास करीत आहेत.
