लग्नाचे दाखवले होते आमिष
marathinews24.com
पुणे – सोशल मीडियाद्वारे झालेल्या ओळखीचा फायदा घेत पोलीस उपनिरीक्षकाने एका तरूणीसोबत प्रेमसंबंध निर्माण केले. त्यानंतर तिला लग्नाचे आमिष दाखवून बलात्कार केल्याची घटना फुरसुंगी परिसरात घडली आहे. याप्रकरणी पिंपरी-चिंचवडमधील पोलीस उपनिरीक्षकाविरूद्ध फुरसुंगी पोलीस ठाण्यात गुन्हा दाखल करण्यात आला आहे.
विवाहाच्या आमिषाने झाली फसवणूक, परिचारिकेने केली आत्महत्या – सविस्तर बातमी
अजिंक्य रायसिंग जाधव (वय ३२, रा. पाटीलनगर, पिंपरी चिंचवड) असे गुन्हा दाखल झालेल्या पोलीस उपनिरीक्षकाचे नाव आहे. याप्रकरणी ३४ वर्षीय तरूणीने फिर्याद दाखल केली आहे. त्यानुसार फुरसुंगी पोलिसांनी गुन्हा दाखल केला आहे.
पोलिसांनी दिलेल्या माहितीनुसार, आरोपी अजिंक्य जाधव हे पोलीस उपनिरीक्षक असून सप्टेंबर २०२३ मध्ये त्याची फिर्यादी तरूणीसोबत इन्स्टाग्रामद्वारे ओळख झाली होती. त्यानंतर त्याने तिला मेसेज करून भेटायला बोलावले. काही दिवस एकमेकांना भेटल्यानंतर त्यांच्यात प्रेमसंबंध निर्माण झाले. आरोपीने तरूणीला लग्नाचे आमिष दाखवून उरळी देवाची आणि सदाशिव पेठेत लैंगिक संबंध प्रस्तापित केले. त्यानंतर काही दिवसांनी तरूणीने त्याच्याकडे लग्नाचा हट्ट धरला असता, आरोपीने तिला मारहाण केली. तुला काय करायचे ते कर, माझं कोणी काही करू शकत नाही, अशी धमकी दिली. याप्रकरणी पोलीस निरीक्षक राजेश खांडे तपास करीत आहेत.
