जेष्ठाला ऑनलाईन घातला गंडा
marathinews24.com
पुणे – शेअर ट्रेडींगसह आयपीओमध्ये गुंतवणूक केल्यास जादा नफा मिळवून देण्याचे आमिष दाखवून सायबर चोरट्यांनी जेष्ठ नागरिकाला १५ लाख ७५ हजारांचा ऑनलाईन गंडा घातला आहे. ही घटना ५ ते २७ मे २०२५ कालावधीत कोथरूडमध्ये घडली आहे. याप्रकरणी ७२ वर्षीय जेष्ठाने कोथरूड पोलीस ठाण्यात फिर्याद दाखल केली आहे. त्यानुसार मोबाइलधारकाविरूद्ध गुन्हा दाखल केला आहे.
ट्रक चालकाची लुटमार करणार्‍या टोळीला अटक – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ नागरिक कोथरूडमध्ये राहायला असून, ५ मे रोजी सायबर चोरट्यांनी त्यांना संपर्क साधला. शेअर मार्वेâटसह आयपीओमध्ये गुंतवणूक केल्यास चांगला नफा मिळवून देतो, अशी बतावणी केली. त्यानंतर त्यांचा विश्वास संपादित करून सायबर चोरट्याने गुंतवणूक करण्यास भाग पाडले. अवघ्या १५ दिवसांत सायबर चोरट्याने १५ लाख ७५ हजार रूपये वर्ग करून घेत फसवणूक केली आहे. याप्रकरणी पोलीस निरीक्षक अनिल माने तपास करीत आहेत.
