कोंढवा पोलीस ठाण्यात गुन्हा दाखल
marathinews24.com
पुणे – कोंढवा परिसरातील एका सदनिकेचे कुलूप तोडून चोरट्यांनी रोकड आणि सोन्याचे दागिने असा सहा लाख ३३ हजार रुपयांचा ऐवज लांबविल्याची घटना घडली. महिलेने कोंढवा पोलीस ठाण्यात फिर्याद दिली आहे.
चार दरोडेखोर महिलांच्या टोळीला अटक – सविस्तर बातमी
पोलिसांनी दिलेल्या माहितीनुसार, तक्रारदार महिला आणि कुटुंबीय कोंढव्यातील कौसरबाग भागात असलेल्याोका सोसायटीत राहायला आहे. १९ नोव्हेंबर रोजी महिला आणि कुटुंबीय बाहेरगावी गेले होते. चोरट्यांंनी सदनिकेचे कुलूप तोडले. शयनगृहातील कपाट उचकटून चोरट्यांनी कपाटातील ५९ हजार ५०० रुपये आणि सोन्याचे दागिने असा सहा लाख ३३ हजार रुपयांचा ऐवज लांबविल्याची घटना उघडकीस आली. पोलीस उपनिरीक्षक रवींद्र गावडे तपास करत आहेत.
