फरासखाना पोलीस ठाण्यात गुन्हा दाखल
marathinews24.com
पुणे – शहरातील मंगळवार पेठेतील एका पंपावर पेट्रोल भरल्यानंतर ऑनलाइन पैसे जमा केल्याची बतावणी करून चोरटे पसार झाले. याप्रकरणी मोटारचालकासह साथीदाराविरुद्ध गुन्हा दाखल करण्यात आला आहे. पंपावरील कामगार समीर याकुब काझी (वय ३५) यांनी फरासखाना पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, मोटारचालकासह साथीदाराविरुद्ध गुन्हा दाखल करण्यात आला आहेत.
महाविद्यालयीन युवकाला लुटण्याचा प्रयत्न – सविस्तर बातमी
पोलिसांनी दिलेल्या माहितीनुसार, मंगळवार पेठेत पंचरत्न पेट्रोल पंप आहे. २३ नोेव्हेंबर रोजी मध्यरात्री मोटारीतून दोघे जण पेट्रोल भरण्यासाठी पंपावर आले होते. मोटारचालकाने काझी यांना पेट्रोल भरण्यास सांगितले. मोटारीच्या टाकीत दोन हजार ४३३ रुपयांचे पेट्रोल काझी यांनी भरले. त्यानंतर पेट्रोलचे पैसे ऑनलाइन पद्धतीने जमा करतो, असे सांगितले. ऑनलाइन पद्धतीने पैसे पाठविल्याचे काझी यांना सांगितले. काझी यांनी ऑनलाइन व्यवहाराची पडताळणी केली, मात्र पैसे जमा झाले नव्हते. दरम्यान, मोटारचालक आणि साथीदार पंपावरून पसार झाले. पोलिसांनी पेट्रोल पंपावरील सीसीटीव्ही चित्रीकरण तपासले असून, पसार झालेल्या मोटारचालकासह साथीदाराचा शोध घेण्यात येत आहे. पोलीस उपनिरीक्षक प्रणील चौगुले तपास करत आहेत.
प्रवाशाकडील १ लाखाची रोकड लंपास
पीएमपी प्रवाशाच्या पिशवीतून चोरट्यांनी एक लाखाची रोकड चोरून नेल्याची घटना घडली. याबाबत एका प्रवाशाने बंडगार्डन पोलीस ठाण्यात फिर्याद दिली आहे. तक्रारदार मूळचे कर्नाटकातील आहेत. ते सोमवारी (२४ नोव्हेंबर) कामानिमित्त पिंपरी-चिंचवड शहरात आले होते. रात्री पावणेदहाच्या सुमारास डांगे चौक ते पुणे स्टेशन या मार्गावरील बसमधून ते प्रवास करत होते. प्रवासादरम्यान चोरट्यांनी त्यांच्या पिशवीतून एक लाखाची रोकड चोरून नेली. पुणे स्टेशन परिसरात ते बसमधून उतरले तेव्हा पिशवीतून रोकड चोरीला गेल्याचे लक्षात आले. त्यांनी बंडगार्डन पोलीस ठाण्यात फिर्याद दिली. सहायक पोलीस निरीक्षक चौगुले तपास करत आहेत.
