समर्थ पोलीस ठाण्यात गुन्हा दाखल
marathinews24.com
पुणे – काळ्या पैसे व्यवहारात बँक खात्याचा वापर करण्यात आला असून, याप्रकरणात अटक करण्यात येणार आहे’, अशी भीती दाखवून ज्येष्ठ नागरिकांची फसवणूक करण्याचे प्रकार वाढले आहेत. सायबर चोरट्याने कारवाईची भीती दाखवून सोमवार पेठेत राहणाऱ्या ज्येष्ठ नागरिकाची ४७ लाख रुपयांची फसवणूक केल्याचा प्रकार उघडकीस आला. याबाबत ज्येष्ठाने समर्थ पोलीस ठाण्यात फिर्याद दिली आहे.
मेट्रोमनीवरील ओळख पडली महागात – सविस्तर बातमी
सायबर चोरट्याने २८ ऑक्टोबरला ज्येष्ठाच्या मोबाइल क्रमांकावर संदेश पाठविला होता. काळ्या पैसे व्यवहारात बँक खात्याचा वापर करण्यात आल्याची भीती दाखवून चोरट्यांनी तातडीने खात्यात पैसे जमा करण्यास सांगितले. त्यानंतर महिनाभरात ज्येष्ठाने चोरट्यांच्या खात्यात वेळोवेळी ऑनलाइन पद्धतीने पैसे जमा केले. फसवणूक झाल्याचे लक्षात आल्यानंतर त्यांनी नुकतीच पोलिसांकडे तक्रार दिली. पोलीस निरीक्षक चेतन मोरे तपास करत आहेत.
महिलेसह दोघांची फसवणूक
आभासी चलनात गुंतवणुकीच्या आमिषाने सायबर चोरट्यांनी महिलेची २१ लाख ६२ हजार रुपयांची फसवणूक केली. महिलेने खडक पोलीस ठाण्यात फिर्याद दिली आहे. तक्रारदार महिला शुक्रवार पेठेत राहायला आहेत. चोरट्यांनी महिलेच्या मोबाइल क्रमांकावर संदेश पाठविला होता.
आभासी चलनात गुंतवणुकीच्या आमिषाने चोरट्यांनी महिलेची फसवणूक केली. गुन्हे शाखेच्या पोलीस निरीक्षक शर्मिला सुतार तपास करत आहेत. शेअर बाजारात गुंतवणुकीच्या आमिषाने सिंहगड रस्ता भागातील एका ज्येष्ठाची सायबर चोरट्यांनी नऊ लाख ६८ हजार रुपयांची फसवणूक केली. याबाबत ज्येष्ठाने सिंहगड रस्ता पोलीस ठाण्यात फिर्याद दिली आहे. पोलीस निरीक्षक उल्हास कदम तपास करत आहेत.
