चालक फरार
marathinews24.com
पुणे – भरधाव हायवा ट्रकच्या धडकेत दुचाकीस्वार जेष्ठ नागरिक ठार झाल्याची घटना शनिवारी (दि.१३) संध्याकाळी सव्वा सहा वाजण्याच्या सुमारास हडपसर परिसरातील मांजरी बुद्रुक याठिकाणी घडली आहे. अपघातानंतर हायवा वाहन चालक पसार झाला आहे. अनंत यकाप्पा विभुते (वय ७६, रा. म्हसोबा कॉलनी, गोपाळपट्टी, मांजरी) असे ठार झालेल्या दुचाकीस्वाराचे नाव आहे.याप्रकरणी सुजाता सोटले (वय ४२, रा. तेजराज हाईट्स, गोपाळपट्टी, मांजरी बुद्रुक, हडपसर) यांनी हडपसर पोलीस ठाण्यात फिर्याद दिली आहे.
पुण्यात ३१ डिसेंबरच्या पब-पार्ट्या डेंजर झोनमध्ये – सविस्तर बातमी
पोलिसांनी दिलेल्या माहितीनुसार, दुचाकीस्वार अनंत विभूते हे शनिवारी संध्याकाळी सव्वा सहा वाजण्याच्या सुमारास हडपसर परिसरातील मांजरीमधून घरी जात होते. त्यावेळी भरधाव वेगाने आलेल्या हायवा ट्रकने त्यांना धडक दिली. त्यामुळे अनंत हे गंभीरपणे जखमी झाले. त्यांना जवळच्या रुग्णालयात दाखल करण्यात आले. मात्र, उपचारापूर्वीच त्यांचा मृत्य झाल्याचे डॉक्टरांनी घोषित केले. पोलीस उपनिरीक्षक अनिल बिनवडे तपास करीत आहेत.
