विमानतळ पोलिसांनी आरोपीला केली अटक
marathinews24.com
पुणे – गाडीच्या चालकानेच मालकाच्या घरातील सोन्याच्या दागिन्यांचा अपहार करून १५ लाखांचे सोने चोरून नेल्याची घटना विमानतळ परिसरात घडली होती. याप्रकरणी विमानतळ पोलिसांनी आरोपीला अटक केली आहे. राजेश परशुराम कांबळे (वय ४०, रा. कलवड वस्ती, लोहगाव परिसर) याला अटक करण्यात आली आहे.
पुण्यात मध्यवर्ती भागात गुन्हेगारांचा अड्डा – सविस्तर बातमी
पोलिसांनी दिलेल्या माहितीनुसार, घरातील विश्वासू चालकानेच मालकाच्या आईचे सोन्याचे दागिने चोरल्याचा प्रकार उघडकीस आला आहे. याप्रकरणी पोलिसांनी १५ लाख रुपये किंमतीचे सोने हस्तगत केले आहे. दागिने चोरीच्या घटनेबाबत फिर्यादीने २० एप्रिलला त्यांच्या आईचे सोन्याचे दागिने चोरीला गेल्याची तक्रार विमानतळ पोलीस ठाण्यात दाखल केली होती. त्यानुसार गुन्हा नोंदवून तपास सुरू करण्यात आला. तपासादरम्यान पोलिसांना घरातील चालकावर संशय आला. राजेश परशुराम कांबळे (वय ४०) याला ताब्यात घेऊन चौकशी केली असता त्याने गुन्ह्याची कबुली दिली. त्याने चोरी केलेले दागिने वितळवून त्यापासून सोने तयार केल्याचेही समोर आले. पोलिसांनी आरोपीकडून सुमारे १५ लाख रुपये किंमतीचे सोने जप्त केले आहे. ही कामगिरी पोलीस उपायुक्त सोमय मुंडे, सहायक पोलीस आयुक्त नूतन पवार, वरिष्ठ पोलिस निरीक्षक गोविंद जाधव, पोलीस निरीक्षक शरद शेळके, उपनिरीक्षक नितीन राठोड, अंकुश जोगदंड, लालू कऱ्हे यांनी केली.
